عود قصب

عود قصب

الحكايه فى شويا كلام
عن عود قصب بزعزوعه...
احلامه ممكنه فى الحياه
بسيطه ومشروعه...
يفضل عايش فى الغيطان
واقف برجل مش مجزوعه..
لا نفسه يشتهر ولا يبقى غنى
واخباره مسموعه....
والحب والخير والامل
ماتبقاش كلمات ممنوعه..
والاحساس بين القلوب
مش صنعه وحاجه مصنوعه..
والضحكه تبقى صافيه
مش خايفه من الايادى المرفوعه..
مش ح اقبل اكون عود قصب
يتمص من ناس مفجوعه..
ولا تبقى اخره المتمه
افضل عايش بزعزوعه..
الحكايه مش عود قصب
الحكايه عن ناس مخدوعه !!!