فضفضى

اتكلمى قولى وفضفضى

مين الثاير ومين البلطجى

مين اللى عشانك مات

ومين اللى موت فرحتى !!!

وداعا استاذى العزيز

لما الحزن يتملك انسان

والقلب يبكى على اصلان

ساعتها بندول الساعه الممل

يموت فجاه ويوقف الدوران!!!

محناش يهود

محناش يهود
ولا صهاينه
ولا امريكان ...
عشان نتفرق
كام ائتلاف
وسلفيه واخوان ...
اسلاميه مره
علمانيه مره
ابوس ايديكم
شوفوا الجعان ...
شوفوا اللى حفى
وملقاش الدنيا جنبه
قام يخرب فى الميدان !!!

احلامى القديمه

ليه لما بضحك

ضحكتى ملهاش صوت...

وليه حلمى متكتف

عايش جوه التابوت...

وليه الضلمه شمسى

وليه مدمن سكوت...

سبونى احكى قصتى

بين الحياه والموت...

اولها ايام بيقولوا عليها

ايام الطفوله ...

طفل بائس لابس

احزان الدنيا المجهوله..

شاف بعيونه الزمن

بيبعه ويقبض من وراه العموله...

رغم كل اللى حصل

كبرت وعرفت معنى الرجوله...

لفت الايام ف ثوانى

ولقيت نفسي فى ثانوى عام..

بصم واحفظ كلام

مش فاهم منه اى كلام...

منا لازم احفظ

ماهو ولاد الغلابه

مالهمش غير الشهاده والعلام ...

كبرت وحلمى كبر

لما دخلت كليه الاعلام...

قلت ياد بكره

تبقى اعلامى ويبقى عليك القيمه...

ويشاوروا عليك فى الشارع

وكانك نجم فى السيما...

خلصت الكليه

وخلصت احلامى اليتيمه...

ماشي فى الشارع بشنطه

مندوب مبيعات

ببيع احلامى القديمه !!!!

الحريه

تم تحديد الهدف

كل شى محاصر...

اياك فى يوم تحلم

اياك فى يوم تعافر...

الفرح ممنوع

والخير سابنا وسافر..

ياتعيش مغمض

ياتعيش عمرك مهاجر...

ده حال شعب

قبل فوقه يناير...

الحريه كلمه جديده

ضيف الكلمه فى القواميس...

الخوف الضعف

لفهم فى شويا اراطيس...

زنازين الضلمه اشتكت

اكسر كل الدرابيس...

ح تمشى وضلك مصر

مش مخبر تايه خسيس...

سابق الزمن

مصر صحيت

واتقفل باب الكوابيس...

سأرحل ... للشاعر/ احمد جاد

أميال لم أقطعها ..

و وعود لم أفِ بها ..

و أحلام لا تذبُلْ

و عيون لم أغازلها ..

و كلمات لم أقلها ..

و كأس أشعارٍ لا يُثملْ

لكنى –رغم هذا- راحلٌ ..

بلا متاع ...

سوى قنينة من صبرْ

و حقيبة من امنياتٍ ..

ذابت مع العمرْ

و ذكريات تؤرقنى ..

و ندوب فى الصدرْ

إنى مرتحلٌ ..

قد بعت الماضى و الآتِ ..

بعت أحلام الأمسْ

بعت العشق .. و بعت الليل ..

و صادقت اليأسْ

أنا لست جباناً ..

لكنى مجروحٌ ..

ما أقسى جرح النفسْ

سأرحل ...

بحثاً عن قصيدتى المُثْلَى

سأفتش بين الحروف عن كلمة عَذْرَا

عن كلمات لم تستهلكها الأفواه ..

و لم تنتهكها الأقلام

سأفتش بين ثنايا الجرح ...

عن حب جديدٍ ..

يعيد إليّ الأحلام

****

لم أزل أتنقل بين الموانى ..

أبحث عن مدينة لم تغزُها القتامة

حتى تكسرت على الشطآن سفينتى ..

و تناثرت على الرمال قصائدى ..

و بعض من كرامة

إنى بنيت على الجليلد مدينتى ..

فذاب الجليد ..

و انقضت مدينتى .. لم تترك علامة

حتى الشطآن تلفظنى ..

تطردنى ..

ترفض هذا القلب .. و أحلامَه

****

قلمى .. و الوحدة .. و الغربة أصحاب الدربْ

و الحب العُذرىّ يؤرقنى ..

و أنين القلب

أذنبت أنا ..

لكنى –صدقاً- لا أدرى ما الذنب

****

سأهاجر مدينتى الثكلى ..

أهجر فيها البوادى و القفارْ

و أفرد أشرعتى ..

يلقينى الموج من دار .. إلى دارْ

مازال فى صدرى شيء نابض ..

و أمل ... يعانده الفرارْ

مازلت اتنقل ...

أبحث عن مدينة فُضْلَى

و قصيدة مُثْلَى

أبحث عن نهارْ

أحمــــــد جـــــــاد

شاعر مصرى معاصر

المهذله

فاكره ولا نسيت اسمه

صاحب نظريه المهذله...

عاشق الضلمه والظلم

عاشق فى امور الهرتله...

صاحب حكم تتحكم

وتخلى الايام منيله ...

عرفت اسمه

ولالسه اسمه بالنسبالك مشكله...

يالا مبارك عليك الجايزه

لو قلت حل المساله !!!

علمك يابلدى

علمك يابلدى

فى السما بيرفرف...

مبقاش مخنوق

مبقاش متكتف...

ولادك فى ايدك

حاجه تشرف...

حبك لحن

وقلبى بيعزف...

علمك يابلدى

على الوشوش مرسوم...

نسرك كان محبوس

مكسور مهموم...

دلوقت النسر طاير

وصوته مش مكتوم...

عرفتى يامصر

مين الظالم والمظلوم...

علمك يابلدى

فى الحوارى والشوارع...

منحوت فى القلوب

فى النصر والمواجع...

مفيش من النهارده

فى حبك موانع...

ده العشق فيكى

له الف دافع...

علمك يابلدى

فى السما بيرفرف...

مبقاش مخنوق

مبقاش متكتف...